Hyb Ynni Gwynt Waun Maenllwyd (DNS CAS-02650-B0P0M9): Lansio’r Ymgynghoriad Cyn Ymgeisio
Ebost wrth Belltown Power:
“Rydym yn ysgrifennu atoch i ddweud bod cwmni Belltown Power yn bwriadu cyflwyno ein cynigion am Hyb Ynni Gwynt Waun Maenllwyd i Penderfyniadau Cynllunio ac Amgylchedd Cymru (PCAC) yn hwyrach eleni. Rydym yn cynnig adeiladu a gweithredu hyb ynni gwynt sy’n cynnwys chwe thyrbin gwynt, pump â uchder blaen y llafn hyd at 200m ac un â uchder blaen y llafn o 180m. Bydd y safle hefyd yn cynnwys cyfarpar cysylltiedig, seilwaith, mynedfa a gweithfeydd ategol. Mae’r datblygiad arfaethedig wedi’i leoli i’r de-ddwyrain o Landdewi Brefi ac i’r gogledd-ddwyrain o Lanbedr Pont Steffan. Bydd y tyrbinau wedi’u lleoli yng Ngheredigion a rhan fwyaf y trac mynediad yn sir Gaerfyrddin. Mae modd gweld cynllun o leoliad y safle ar wefan y prosiect, ynghyd â’r holl ddogfennau ymgeisio drafft eraill y prosiect.
Rydym hefyd yn gwneud cais i ddadgofrestru ardal fach o drac mynediad o’r tir comin a darparu darn newydd o dir cyfatebol yn ei le. Bydd cysylltiad â’r grid trwy bolion pren i Lanbedr Pont Steffan; nid oes gennym unrhyw gynigion i godi peilonau newydd yn rhan o’r prosiect hwn.
Yn dilyn ymgynghoriad anstatudol llwyddiannus ym mis Mehefin 2023, gydag arddangosfeydd cyhoeddus yn Llanddewi Brefi a Llanbedr Pont Steffan, rydym bellach yn cynnal cyfnod o ymgynghori cyn-ymgeisio ffurfiol ar y cynigion drafft. Yn rhan o’r ymgynghoriad hwn, mae’r dogfennau cynllunio drafft a rhagor o wybodaeth am y prosiect bellach ar gael ar y wefan www.waunmaenllwyd.com
Byddwn ni wir yn gwerthfawrogi’ch mewnbwn yn ystod y broses ymgynghori yma, felly anfonwch eich adborth atom unai drwy e-bost www.waunmaenllwyd.com, drwy gwblhau’r ffurflen adborth sydd ar gael ar y wefan, neu drwy ei anfon i’r cyfeiriad isod.
FREEPOST TC CONSULTATION (nid oes angen stamp na chyfeiriad pellach)
Byddwn ni hefyd yn cynnal sesiynau ymgynghori cyhoeddus yn y lleoliadau isod ar y dyddiadau a’r amseroedd sydd wedi’u nodi.
- Neuadd Bentref Llanddewi Brefi, Llanddewi Brefi, Tregaron, SY25 6RX
Dydd Mawrth 30 Medi 2025
2pm – 8pm
- Neuadd Y Coroniad Pumsaint, Pumsaint, Llanwrda, SA19 8UW
Dydd Mercher 1 Hydref 2025
2pm – 8pm
Bydd yr arddangosfa yn agor am 1pm ar y ddau ddiwrnod fel bod gan randdeiliaid gyfle i siarad â thîm y prosiect cyn i’r arddangosfa agor i’r cyhoedd am 2pm.
Bydd yr ymgynghoriad cyn ymgeisio ar agor tan 23:59 dydd Mercher 29 Hydref 2025.
Rydym yn rhagweld y bydd y cais yn cael ei gyflwyno i Penderfyniadau Cynllunio ac Amgylchedd Cymru yn ystod tymor y gaeaf 2025. Unwaith y bydd y cais wedi’i gyflwyno, bydd modd i chi weld sut mae’r cais yn dod yn ei flaen a gwneud sylwadau pellach ar dudalen we Penderfyniadau Cynllunio ac Amgylchedd Cymru https://planningcasework.service.gov.wales/cy “
Biniau Gwastraff
O’r 23 Mehefin 2025 bydd y rhan fwyaf o gartrefi yn gallu rhoi uchafswm o dri “bag du” allan ar y palmant bob tair wythnos.
Dylai’r bagiau fod yn fagiau du cartref safonol (60 litr), heb fod yn fwy na’r bagiau ailgylchu clir.
Ni ddylai bagiau bwyso mwy na 20kg.
Mwy o wybodaeth drwy’r linc yma: Gwastraff Gweddilliol (Gwastraff Nad Oes – Cyngor Sir Ceredigion
Yr Afon Teifi
Newid Hinsawdd
Bydd gweithdy ‘Sgyrsiau Hinsawdd’ yn cael ei gynnal yn Neuadd Mileniwm Cellan ddydd Mercher 15 Ionawr o 2pm tan 4.30pm. Mae’r gweithdy yn digwydd fel rhan o fenter ‘Wythnos Hinsawdd Cymru 2024’ Llywodraeth Cymru.
Nod y gweithdy yw darparu fforwm ar gyfer trafodaethau agored a pharchus a chaniatáu i’n cymuned leol ymuno â sgyrsiau ar thema ganolog Wythnos Hinsawdd Cymru, sef “addasu i’n hinsawdd newidiol”.
Nid yw’r gweithdy hwn yn rhan o unrhyw ymgynghoriad ar gynlluniau ar gyfer datblygu seilwaith peilonau na ffermydd gwynt ac nid oes unrhyw gysylltiad ag unrhyw fusnes neu grŵp preifat sy’n ymwneud ag unrhyw ddatblygiadau o’r fath. Mae’n gyfle i drafod; materion ehangach newid yn yr hinsawdd, yr effaith y mae’n ei chael ar ein cymunedau lleol, a’n barn ar y camau gweithredu sydd eu hangen i fynd i’r afael â hwy. Bydd y casgliadau’n cael eu bwydo yn ôl i Lywodraeth Cymru.
Oherwydd prinder lle bydd lleoedd yn cael eu cyfyngu i tua 40 o gyfranogwyr felly os hoffech fynychu, danfonwch neges i’r Clerc.
Cyfarfod y Bws Cymunedol
GALW AM WIRFODDOLWYR I YRRU’R BWS CYMUNEDOL
ADOLYGIAD O FFINIAU CYNGHORAU CYMUNED LLANFAIR A CELLAN
Ceredigion Community Review – Draft Proposals | LDBCW (gov.wales)
Ysgrifennaf atoch fel Cadeirydd Cyngor Cymuned Llanfair Clydogau a Chellan (CC) yng Ngheredigion, gyda chymeradwyaeth y CC, i wrthwynebu’r newidiadau hyn i’r ffiniau. Yn ein llythyr blaenorol o wrthwynebiad, dywedodd y Clerc fod Cynghorwyr newydd wedi eu hethol a’n bod yn edrych ymlaen at ddatblygu syniadau newydd a gwasanaethu’r gymuned wrth symud ymlaen.
Ers hynny mae’r CC wedi :
· Datblygu gwefan.
· Cefnogi, yn faterol ac yn ariannol, wasanaeth bws dydd Sadwrn cymunedol lleol rhwng Llanbedr Pont Steffan, Llanfair a Cellan. Derbyniodd y PG wobr ‘canmoliaeth uchel’, am y fenter hon gan Un Llais Cymru.
· Gwrthwynebu sefydlu cynllun gan unigolyn penodol, i werthu tir yr oedd wedi’i brynu ac nad oedd ganddo fynediad iddo. Roedd cymdogion o amgylch y tir hwn uwchben pentref Llanfair wedi cael eu bygwth ar lafar o beidio â chael mynediad i’w heiddo. Mae’r mater hwn yn parhau.
· Yn dilyn cais gan grŵp gweithredu Cellan a Llanfair, roedd yn cefnogi gwrthwynebiad i’r bwriad i adeiladu ‘Parc Ynni’ uwchben Llanfair, a pheilonau trydan yn cael eu hadeiladu i lawr Dyffryn Teifi drwy’r ddau blwyf, ond yn bennaf trwy Cellan.
· Rhoi arian i elusennau lleol a chôr meibion lleol. Mae’r rhain yn faterion pwysig y mae’n well eu trin gan CC mewn cysylltiad â’i gymunedau ei hun, ac nid trwy gyfuniad mympwyol o CCs. Byddai hyn yn anochel yn arwain at lai o gynrychiolaeth i Lanfair a Cellan, gyda dim ond pedwar cynrychiolydd o’r Gymuned hon. Nid yw’n glir i mi ychwaith sut y byddai’r praesept yn cael ei rannu’n gyfartal â chynrychiolaeth lai. Mae gan Gyngor Sir Llanddewi Brefi fuddiant ariannol yn eu neuadd gymunedol eu hunain. Mae pentrefi Llanfair a Cellan yn agos i Lambed, lle byddai trigolion yn mynd am siopa, anghenion meddygol a bancio.
Methaf â gweld pam y byddent yn mynd i Landdewi ar gyfer unrhyw un o’r swyddogaethau hyn, ac felly mae ganddynt unrhyw ddiddordeb yn y pentref pell hwn. Byddai unrhyw un sydd â gafael ar ddaearyddiaeth leol yn gweld hyn, ac nid yn uno Llanfair a Cellan yn ward o’r enw Llanddewi Brefi. Mae pob cynghorydd yn wirfoddolwyr sy’n rhoi o’u hamser i wasanaethu eu cymuned, gyda llais cryf. Mae mynychu cyfarfodydd bum milltir i ffwrdd yn lle milltir, a chyda chynrychiolaeth lai, yn fy meddwl i, yn annhebygol. Barn y CC hwn yw nad yw’r ddogfen gynnig ffin er budd gorau’r gymuned leol, ac nad yw’n darparu ‘llywodraeth leol fwy effeithiol a chyfleus’.
Roger Daniel FRCVS
Cadeirydd, Cyngor Cymuned Llanfair Clydogau a Cellan.
PEILONAU – NID YW CYMRU AR WERTH
Mae’r ddogfen isod wedi ei greu sy’n cynnwys manylion am egni ac am y cynlluniau sydd ar waith ar dir uwchben Cellan a Llanfair Clydogau – mae’n werth ei ddarllen. (Mae wedi ei ddarparu yn saesneg yn unig)
**Nid yw Cymru ar Werth (copiwch y linc i fewn i’r bar chwilio ar eich tudalen gwe)
Cynllun Tai Cymunedol Ceredigion
Mae Cynllun Tai Cymunedol newydd wedi’i lansio’n ddiweddar gan Gyngor Sir Ceredigion. Un o brif flaenoriaethau’r Awdurdod Lleol yw tai fforddiadwy ac mae’r Cyngor yn defnyddio adnoddau sylweddol i greu a rheoli tai fforddiadwy. Bwriad y Cynllun Tai Cymunedol yw cefnogi pobl i gael tai fforddiadwy yn eu cymunedau lleol drwy greu llwybrau tuag at fod yn berchen ar gartrefi. Y ffordd fwyaf cyffredin o wneud hyn yw drwy gynnyrch rhannu ecwiti.
- Mae prynwyr posibl yn cael morgais am gyfran o 55-75% o’r cartref,
- Mae’r Cyngor yn dal cyfran,
- Mae’r Cyngor yn cynnig y cyfle i’r perchnogion gynyddu i gyfran perchentyaeth uwch o’r eiddo dros amser wrth i’w hamgylchiadau newid.
Er mwyn sicrhau’r cymorth mwyaf posibl i drigolion y sir:
- Ni fydd y ganran rhannu ecwiti y bydd y Cyngor yn ei chyfrannu at dai y gellir byw ynddynt yn fwy nag 20%
- Hefyd, ni fydd y ganran rhannu ecwiti y bydd y Cyngor yn ei chyfrannu at eiddo gwag cofrestredig yn fwy na 40%. Mae hyn yn adlewyrchu’r costau uwch sy’n gysylltiedig â sicrhau bod modd defnyddio tai gwag fel cartrefi unwaith eto
Hefyd, rhyw ben yn y dyfodol, gall y preswylwyr fynd ati i gynyddu cyfran eu perchentyaeth.
Mae cap o £300,000 ar brisiau tai wedi’i osod ar gyfer 2023/24 a chaiff hyn ei adolygu’n flynyddol.
Rheolir y cynllun ar sail y cyntaf i’r felin ac mae’n bwysig nodi nad yw cymryd rhan yn y cynllun hwn yn atal deiliaid tai rhag derbyn cymorth arall megis y grantiau sydd ar gael ar gyfer eiddo gwag ac ati.
Bydd yn ofynnol i’r ymgeiswyr llwyddiannus ad-dalu swm yr arian a fenthyciwyd NEU ganran cyfatebol o werth yr eiddo, pa bynnag un sydd uchaf, ac ni all benthyciad y Cyngor fod am gyfnod sy’n hirach na chyfnod y morgais sy’n gysylltiedig â hynny.
Bydd modd cynyddu cyfran y berchentyaeth ar adegau penodol ym mlynyddoedd 5, 10, 15, 20 a 25. Hefyd, bydd gan yr ymgeiswyr hyblygrwydd i gynyddu’r gyfran cyn yr adegau hyn os ydynt mewn sefyllfa ariannol i wneud hynny. Dim ond mewn cynyddrannau o 5% y bydd hawl gan ymgeiswyr i ad-dalu eu hecwiti. Ar yr adegau penodol hyn, os oes cais i brynu ecwiti oddi wrth yr Awdurdod Lleol, bydd gofyniad am brisio’r eiddo er mwyn canfod gwerth yr eiddo ar y farchnad. Unwaith y cytunir ar hyn, bydd gofyn i’r ymgeisydd brynu canran yr ecwiti yn seiliedig ar werth yr eiddo ar y farchnad ar hyn o bryd neu ganran y swm a fenthyciwyd, pa bynnag un sydd fwyaf, er mwyn diogelu buddiannau’r Awdurdod Lleol.
Er mwyn bod yn gymwys ar gyfer y cynllun, rhaid bodloni’r meini prawf canlynol:
- mae’n rhaid i’r eiddo fod wedi’i leoli yn ardal awdurdod lleol Ceredigion
- mae’n rhaid bod gan yr ymgeiswyr flaendal o 5% fan lleiaf o’r pris prynu llawn
- mae’n rhaid i’r ymgeisydd beidio â bod yn berchen ar unrhyw eiddo arall
- mae’n ofynnol bod yr ymgeiswyr wedi byw yng Ngheredigion am 5 mlynedd rywbryd yn ystod eu bywyd (neu mae’n rhaid cydymffurfio â’r eithriadau penodol ar gyfer Gweithiwr Allweddol / Gofalwr).
- ni ddylai’r ymgeiswyr fod yn gallu fforddio morgais am 10% yn fwy na’r prisiad y cytunwyd arno ar gyfer yr eiddo, ar ôl tynnu i ffwrdd cyfraniad arfaethedig y Cyngor.
Am fwy o wybodaeth am y cynllun a’r ffordd y gallwch chi wneud cais, ewch i: Y Cynllun Tai Cymunedol – Cyngor Sir Ceredigion. Gallwch chi hefyd ffonio’r Tîm Polisi Cynllunio ar 01545 570881 neu anfon e-bost i ldp@ceredigion.gov.uk.
Cofion,
Sarah
BWS CYMUNEDOL AR GYFER LLANFAIR CLYDOGAU A CELLAN – DEFNYDDIWCH E!!
Newyddion cyffrous – Rydym yn treialu bws cymunedol (eistedd 8 person) ar ddydd Sadyrnau! Yn RHAD AC AM DDIM! Dyma’r amserlen ar eich cyfer – does dim angen bwcio lle, jyst aros yn un o’r lleoliadau isod ac fe ddaw y bws i’ch cludo i Lanbed ac yn ol:
BUS STOP AMSER
Maes Parcio ROOKERY start 8.00yb 10.00yb 13.30yp 17.30yp
NATWEST 8.01yb 10.01yb 13.31yp 17.31yp
Sainsbury’s 8.04yb 10.04yb 13.34yp 17.34yp
Co-op (rear) 8.07yb 10.07yb 13.37yp 17.37yp
Blwch Post PANDY 8.17yb 10.17yb 13.47yp 17.47yp
Siop Llanfair 8.20yb 10.20yb 13.50yp 17.50yp
Neuadd LLANFAIR 8.21yb 10.21yb 13.51yp 17.51yp
Eglwys Cellan 8.24yb 10.24yb 13.54yp 17.54yp
CELLAN WM 8.27yb 10.27yb 13.57yp 17.57yp
Fishers Arms 8.29yb 10.29yb 13.59yp 17.59yp
Cwmann Junction 8.31yb 10.31yb 14.01yp 18.01yp
PREMIER 8.36yb 10.36yb 14.06yp 18.06yp
ROOKERY C.P. finish 8.37yb 10.37yb 14.07yp 18.07yp
Grantiau Busnes
Mae grantiau ar gael trwy Cynnal y Cardi – Cyngor Sir Ceredigion. Dyddiad Cau: 31/10/2023
Bydd y grant yn cael ei ddarparu mewn dwy ffordd:
a) Grant Busnesau Bach – £1,000 – £10,000
b) Grantiau Datblygu Busnes – £10,001 – £50,000.
Ni fydd cynigion mwy yn cael eu heithrio ond bydd angen sail resymegol gadarn.
Bydd pob dyfarniad grant yn seiliedig ar 80% o gostau cymwys.
Enghreifftiau o Gostau Cymwys ar gyfer y grantiau hyn:
• Costau marchnata a chyhoeddusrwydd
• Costau cyfranogwyr hyfforddiant e.e. lwfansau, costau teithio
• Eitemau bach o offer
• Prynu offer newydd neu ail law a fydd yn datblygu’r busnes
ymhellach.
• Gwelliannau i eiddo masnachol i ddatblygu’r busnes ymhellach
(gan gynnwys gosodiadau a ffitiadau, dodrefn, ac offer swyddfa
cyffredinol ac ati fel rhan o swyddfa newydd neu gyfleusterau
awyr agored).
• Newid y goleuadau presennol, gwresogi i ddewisiadau gwyrdd
• Caledwedd TG a Thelathrebu os yw’n gysylltiedig yn
uniongyrchol â chyflwyno’r cynnig.
Fwy o wybodaeth a sut i neud cais:
Cronfa Ffyniant Gyffredin y DU – Cyngor Sir Ceredigion
Diwrnod Gweithredu Bysiau
Dydd Sadwrn 16 Fedi 13:00 tan 16:30 Sant Paul, Heol y Frenhines, Aberystwyth SY23 2NN
Gwasanaeth Bws 585
O Lanbed i Aberystwyth (Dydd Llun – Dydd Gwener)
NODER: Does DIM gwasanaeth ar y penwythnos
- Pont Pont-faen Cellan (cyn) 10:08 13:08 15:38 17:38
- Llanfair Clydogau o/s St Mary’s Church 10:15 13:15 15:45 17:45
O Aberystwyth i Lanbed (Dydd Llun – Dydd Gwener)
- Llanfair Clydogau gyferbyn St Mary’s Church 08:24 11:13 14:13 16:59
- Pont Pont-faen Cellan (ar ol) 08:32 11:20 14:20 17:06
Swyddfa Bost Llanfair Clydogau
Mi fydd y gangen uchod yn cau ar y 31ain o Awst 2023 am 17.30.
LLanfair Clydogau SA48 8LA – 1 366613 – Post Office – Citizen Space (postofficeviews.co.uk)
Cyflymder 20 mya
Dydd Sul yr 17eg o Fedi yw’r dyddiad cychwyn 20mya fel terfyn cyflymder diofyn cenedlaethol yng Nghymru ar gyfer ffyrdd cymunedol mewn pentrefi, trefi a dinasoedd.
Mi fydd Cellan yn cael eu heffeithio ac mae modd gweld yn gwmws wrth ddilyn y ddolen isod i’r map:
View map | DataMapWales (gov.wales)
Fferm Wynt Waun Maenllwyd
Er mwyn derbyn yr holl wybodaeth am y bwriad i godi hyd at 6 melin wynt (230m i’r top) yn y goedwig uwchben Llanddewi Brefi, ewch i www.waunmaenllwyd.com . Mi fydd yr ail ymgynhoriad yn digwydd unwaith fydd y cais cynllunio wedi ei gyflwyno tua mis Ionawr-Chwefror 2023. Fodd bynnag os hoffech gysylltu a’r cwmni nawr mae ffurflen ar y wefan i wneud hynny.
Casgliadau Gwastraff Gwyliau Banc
Facebook – www.facebook.com/CSCeredigion
Twitter – www.twitter.com/csceredigion
www.ceredigion.gov.uk
Cyfleoedd cerdded, beicio a marchogaeth yng Ngheredigion
Gweler isod adnoddau gwe i’ch helpu chi, eich ffrindiau, teulu neu gwesteion i fynd o gwmpas i archwilio clogwyni esgyn hyfryd Ceredigion, bryniau tonnog, dyffrynnoedd ffrwythlon a chymoedd coediog yn ddiogel.
• Tudalen Cerdded a Theithio
Dilynwch y dolenni isod i ddod o hyd i gyfleoedd cerdded a marchogaeth ar hawliau tramwy cyhoeddus ledled y sir
• Creu eich teithiau eich hunan
Bydd y ddolen isod yn mynd â chi i’r map rhyngweithiol sy’n nodi pa lwybrau sydd ar agor ac ar gael yn y sir, gan adael i chi gynllunio’ch teithiau a’ch anturiaethau eich hun
- Mae 2023 yn nodi 15 mlynedd o Lwybr Arfordir Ceredigion. Isod mae gyfres o deithiau cerdded cylchol – pob un yn cymryd rhan o Lwybr Arfordir hyfryd ond yn dychwelyd i’ch man cychwyn trwy lwybrau mewndirol.
Dathlu 15 mlynedd o Llwybr – Cyngor Sir Ceredigion
· Dweud eich dweud
Holiadur llwybrau Cyhoeddus (office.com)
Cadwch Ceredigion yn Ddiogel
Gellir gweld yr holl wybodaeth ddiweddaraf ar wefan Llywodraeth Cymru
https://llyw.cymru/coronafeirws?_ga=2.81765335.1384926117.1608493693-1809162171.1581414289
Cellan Defibrillator – Map
Llanfair Clyogau – Wikipedia
https://en.wikipedia.org/wiki/Llanfair_Clydogau
Hanes Cellan
https://www.genuki.org.uk/big/wal/CGN/Cellan
Two Free CPAG handbooks
Er gwybodaeth ac ar gyfer eich sylw. Gofynnir ichi ei gylchredeg drwy eich rhwydweithiau i unrhyw un neu unrhyw fudiad sydd angen help neu sy’n cefnogi pobl fregus.
Fuel Rights Handbook https://askcpag.org.uk/publications/-242440/fuel-rights-handbook-20th-ed#
Financial Help for Families https://askcpag.org.uk/publications/-231890/financial-help-for-families–what-you-need-to-know–3rd-edition-
Twyll Cludo
Er gwybodaeth i chwi, gofynnir ichi ei rannu gyda’ch cysylltiadau:
Mae Heddlu Dyfed-Powys wedi dechrau gweld cynnydd o ran ‘Twyll Cludwr’.
• Nid y twyll negeseuon testun Post Brenhinol neu DPD ffug yw Twyll Cludwr.
• Mae Twyll Cludwr yn ymwneud â throseddwr yn eich ffonio ac yn esgus mai swyddog heddlu ydyw.
• Mae Twyll Cludwr yn arwain at droseddwr yn casglu arian neu gardiau banc gennych chi’n bersonol.
Mae’r math hwn o dwyll wedi’i anelu’n bennaf at y rhai sy’n defnyddio llinellau tir a’r rhai na fydd yn cwestiynu pa un ai a yw’r unigolyn ar ben arall y ffôn yn dweud y gwir am bwy ydyw.
Yn fersiwn diweddaraf y twyll, mae’r troseddwr yn galw’r dioddefydd gan ddweud mai swyddog heddlu ydyw a bod rhywun wedi’i arestio am ddefnyddio ei gerdyn credyd neu ddebyd.
Efallai bydd y troseddwr yn dweud bod yr unigolyn yn y ddalfa’n perthyn i’r dioddefydd, a bod y dioddefydd dan rybudd a ddim yn cael dweud wrth unrhyw un arall am yr alwad.
Yna, bydd y troseddwr yn cael y dioddefydd i dynnu arian allan am ryw reswm ffug, neu’n cael manylion ei gerdyn credyd neu ddebyd.
Gelwir hyn yn Dwyll Cludwr oherwydd y canlyniad yw bod y troseddwr yn dweud wrth y dioddefydd y bydd cludwr yn casglu’r arian neu’r cerdyn a’r rhif PIN.
Y cludwr fydd y troseddwr – bydd yn esgus bod yn gludwr neu’r ‘swyddog heddlu’ a siaradodd â’r dioddefydd.
Bydd yn sicrhau’r dioddefydd y bydd yr arian yn cael ei gadw’n ddiogel ac yn cael ei ddychwelyd neu ei ad-dalu.
Fel arfer, y rheswm a roddir dros gasglu’r arian yw bod staff banc twyllodrus yn rhoi arian ffug i gwsmeriaid sy’n tynnu arian allan.
Rwyf wedi atodi dogfen PDF y gellir ei hargraffu ar bapur maint A3, A4 neu A5 fel bod modd ei defnyddio fel taflen neu boster. Mae’r ddogfen yn Gymraeg ar un ochr a Saesneg ar yr ochr arall.
Cofiwch
• Ni fydd yr heddlu’n eich ffonio ac yn gofyn ichi am fanylion eich cerdyn debyd neu gredyd
• Ni fydd yr heddlu’n eich rhybuddio dros y ffôn nac yn gofyn ichi gasglu arian
• Ni fydd yr heddlu’n cysylltu â chi i ddweud wrthych fod eich cerdyn debyd neu gredyd wedi’i glonio
• Ni i fydd yr heddlu, na’ch banc, byth yn gofyn ichi dynnu arian neu ei drosglwyddo i gyfrif gwahanol
• Ni fydd yr heddlu byth yn gofyn ichi ddatgelu eich cyfrinair bancio llawn na’ch rhif PIN
• Galwch aelod o’r teulu neu ffrind er mwyn gwneud yn siŵr fod y llinell wedi’i chlirio, yna galwch 101 i adrodd am y digwyddiad wrth yr heddlu
• Cyflwynwch adroddiad ar-lein: https://www.dyfed-powys.police.uk/cy-GB/riportio/riportio/ neu galwch 101